05.12.2018
У Мінску гэтымі днямі праходзіць кінафестываль “Чалавечая годнасць, роўнасць, справядлівасць”. Яго традыцыйна арганізуюць прадстаўніцтва Еўрапейскага саюза і Арганізацыі Аб'яднаных Нацый у Беларусі. Сёлета ў афішы дзесяць мастацкіх фільмаў. Паказы праходзяць да Дня правоў чалавека, які адзначаецца 10 снежня. Сёлета фестываль таксама прымеркаваны да 70-годдзя Усеагульнай дэкларацыі правоў чалавека. Расказвае прадстаўнік Дэпартамента грамадскай інфармацыі Прадстаўніцтва ААН у Беларусі Віктар Радзівіноўскі.
Многія з фестывальных стужак атрымалі ўзнагароды на міжнародных аглядах. Усе паказы кінафестывалю “Чалавечая годнасць, роўнасць, справядлівасць” праходзяць у кінатэатры “Піянер” да 10 снежня. Уваход на сеансы вольны.
