06.02.2019
У Нацыянальным гістарычным музеі Беларусі адкрылася выстава жывапісцаў Масленікавых пад назвай “Сямейны альбом”. Пачынальнікам стаў Павел Масленікаў, чыя творчасць істотна паўплывала на развіццё пейзажа ў беларускім мастацтве. У 60-я гг. мінулага стагоддзя ён быў рэктарам Беларускага тэатральна-мастацкага інстытута. Распавядае яго сын, таксама пейзажыст, загадчык кафедры жывапісу Беларускай акадэміі мастацтваў Уладзімір Масленікаў.
На выставе – беларускі пейзаж ва ўсёй яго разнастайнасці. Бяскрайнія прасторы і блакітныя азёры чаргуюцца з утульнымі куткамі прыроды, дзе хочацца схавацца ад шуму гарадскіх вуліц і паўсядзённай мітусні. Распавядае малодшы прадстаўнік дынастыі Павел Масленікаў.
Выстава “Сямейны альбом” адкрыта ў Нацыянальным гістарычным музеі да 21-га лютага.
Фота: histmuseum.by