15.12.2017
Восьмы Мінскі міжнародны Калядны оперны форум адкрые сёння спектакль з удзелам "Спявачкі свету" Надзеі Кучар. Асноўная ідэя агляду - паказ прэм'ерных пастановак сезона Вялікага тэатра Беларусі. Адкрыецца форум операй "Чароўная флейта", прэм'ера адбылася ў сакавіку. Над увасабленнем галоўнага моцартаўскага хіта працавала міжнародная каманда на чале з рэжысёрам-пастаноўшчыкам прафесарам Хансам-Ёхімам Фраем.
Карону “Царыцы ночы” сёння прымерыць беларуская пераможца прэстыжнага міжнароднага конкурсу оперных спевакоў BBC у Кардыфе, двойчы лаўрэат нацыянальнай тэатральнай прэміі "Залатая маска" Надзея Кучар.
Фота: minsknews.by
