"Ліцэй"

  • Галоўная
  • Фотa
  • Аўдыя
  • Відэа
  • Аўтар

Першы выпуск адукацыйнай праграмы “Ліцэй” выйшаў 1 студзеня 2010 года. Слухачы маюць магчымасць паглыбіць свае веды ў беларускай і рускай літаратурах, а таксама ў гісторыі мастацтва і музыкі. Класічныя творы паўстаюць непарыўна ад асобы аўтара – як чалавека, так і мастака ў шырокім сэнсе – і ў культурна-гістарычным кантэксце.  

Літаратуразнаўца, пісьменнік, навуковец, загадчык кафедры беларускай мовы і літаратуры МДЛУ Пятро Васючэнка расказвае пра беларускую літаратуру і літаратараў. Лекцыя пераходзіць ад стагоддзя да стагоддзя, ад аўтара да аўтара, ад твора да твора, паказваючы найлепшае, найзаймальнейшае, найчытальнейшае у тысячагадовай гісторыі беларускага пісьменства. Лекцыі суправаджаюцца ілюстрацыямі-фрагментамі мастацкіх твораў.

Дырэктар прыватнай установы мастацтва "Спадчына і час" Юрый Абдурахманаў прысвячае праграмы мастакам парыжскай школы.

У больш як 200 сустрэчах са слухачамі Аляксандр Гарбачоў дэтальна прааналізаваў камедыю Аляксандра Грыбаедава “Горе от ума”, амаль усю творчасць Аляксандра Пушкіна, больш за палову вершаў Міхаіла Лермантава. Паводле меркавання аўтара, школа і вну ніколі не мелі і не маюць такой раскошы – паглыбіцца ў рускую літаратурную класіку, а эфектыўная літаратуразнаўчая самаадукацыя – лёс малой колькасці людзей, якая ўсё змяншаецца. Творы класічнай рускай літаратуры і светапогляд іх аўтараў аналізуюцца з пункту гледжання рэалізму, праз які ўвасобіліся гуманістычныя ідэалы. Аўтар праграмы запрашае ўключыцца ў складаную работу – спасцігнуць здабытак рускай літаратурная класікі.

Фота на прэв'ю: 

Панядзелак - 15:00; субота - 16:00 (паўтор)
Аляксандр Гарбачоў
Надзея Высоцкая
Пятро Васючэнка

Каментарыi