01.06.2022
Напярэдадні Міжнароднага дня дзяцей у Дзяржаўным літаратурна-мемарыяльным музеі Якуба Коласа адбылася імпрэза "Давайце паверым у добрую казку" – творчая сустрэча з пісьменніцай, лаўрэатам Дзяржаўнай прэміі Беларусі Раісай Баравіковай. Сёлета яна адзначыла сваё 75-годдзе. Яна вядома аматарам літаратуры шматлікімі зборнікамі паэзіі і прозы. У апошні час Раіса Андрэеўна шмат піша для дзяцей, вучыць іх шанаваць беларускі фальклор, народную творчасць.
Загадчык аддзела Дзяржаўнага літаратурна-мемарыяльнага музея Якуба Коласа Вольга Наважылава адзначыла, што творчая сустрэча прайшла цікава і запамінальна.
Фота - minsknews.by
