27.03.2019
Вялікі тэатр Беларусі пачаў святкаваць Міжнародны дзень тэатра напярэдаднi “Вечарам беларускай культуры”. Адбылася прэзентацыя кнiгi дырэктара Музея старажытнабеларускай культуры Нацыянальнай акадэміі навук Барыса Лазукі “У засенi замкаў i палацаў”. Аўтар спадзяецца, што яна будзе карыснай рэжысёрам мастацкiх фiльмаў i музычных спектакляў. I дзякуючы падрабязным апiсанням адметных рыс жыцця XII – пачатку XX стагоддзяў дапаможа ствараць больш дакладныя вобразы i побытавыя сцэны у творах на гiстарычную тэму.
Сваiмi ўражаннямi падзялiлася спецыялiст па гiстарычных касцюмах, кандыдат гiстарычных навук, выкладчыца Беларускага дзяржаўнага ўнiверсiтэта культуры i мастацтваў Людмiла Дамнянкова.
Завяршыўся вечар операй “Сiвая легенда” беларускага кампазiтара Дзмiтрыя Смольскага. Расказвае адна з выканаўцаў галоўнай ролi, салiстка Вялiкага тэатра Беларусi Нiна Шарубiна.
У фае Вялiкага тэатра праходзiла выстава ювелiрных вырабаў i помнiкаў матэрыяльнай культуры Беларусi з фондаў Музея старажытнабеларускай культуры Нацыянальнай акадэмii навук. Гукавую атмасферу ствараў фолк-гурт HardWood.
