11.01.2021
“Агні майго горада” – так называецца палатно Мікалая Назарчука, на якім будынкі, людзі і транспарт вячэрняй сталіцы. Гэтую ж назву куратары ўзялі для экспазіцыі, якая паказвае Мінск з 1940-х да сённяшняга часу. На выставе – жывапіс і графіка з калекцыі Музея гісторыі горада Мінска.
На большасці карцін – вядомыя месцы сталіцы, такія, як Няміга, праспект Незалежнасці, куткі Верхняга горада і гістарычнага цэнтра. Але ёсць работы, прысвечаныя і ўскраінам – напрыклад, палатно Уладзіміра Ісачанкі паказвае вёску Сухарава, якая раней была на месцы сённяшняга аднайменнага раёна. Наведвальнікі ўбачаць, як змяніўся Мінск за 75 пасляваенных гадоў.
Расказвае загадчыца аддзела экспазіцыйна-выставачнай работы Юлія Кавалёва.
Выстава працягнецца да 14 лютага.
Фота: sb.by
