01.01.2021
Працягваецца праваслаўны фестываль "Калядная радасць". Час дыктуе свае ўмовы, таму сёлета фармат правядзення падзеі змяніўся. Усе мерапрыемствы – гутаркі, спектаклі, майстар-класы – ладзяць у прамым эфіры. Тыя, хто не мае магчымасці далучыцца анлайн, – глядзяць запісы на youtube-канале Свята-Елісавецінскага манастыра. Наогул сёлетні праект умоўна падзелены на 2 часткі: другая стартуе 2 студзеня і працягнецца да 5-га. Першая прайшла напрыканцы года, пра яе расказала кіраўнік фестывалю "Калядная радасць" Таццяна Ціханава.
У нечым анлайн-фармат нават падабаецца арганізатарам. Дзякуючы яму да “Каляднай радасці” далучаецца новая аўдыторыя, у тым ліку з краін-суседак.
Сёлетняя мэта форуму – расказаць пра Раство з дапамогай мастацтва.
Фестываль працягнецца да 5 студзеня.
Фота: obitel-minsk.ru
