17.03.2020
У Музеі кнігі Нацыянальнай бібліятэкі адкрылася выстава “Правобраз еўрапейскай Канстытуцыі”. Яна прысвечана гісторыі прававой культуры нашай краіны і адлюстроўвае доўгі шлях да сучаснага асноўнага закона. Статут Вялікага княства Літоўскага – важны крок да канстытуцыйнага заканадаўства, яго выкарыстоўвалі для стварэння прававых сістэм розных краін. Сведчанне таму – паказаныя на выставе асобнікі Статута XVII-XIX стагоддзяў у перакладзе на еўрапейскія мовы. Расказвае намеснік генеральнага дырэктара Нацыянальнай бібляітэкі Алесь Суша.
У цэнтры экспазіцыі – раней невядомы спіс Статута ВКЛ 1588 года ў перакладзе на нямецкую мову. Копія XVIII стагоддзя са збору акадэмічнай бібліятэкі Латвійскага ўніверсітэта дэманструецца шырокаму колу ўпершыню.
Выстава “Правобраз еўрапейскай Канстытуцыі” працуе да 19 красавіка.
Фота: nlb.by