07.09.2020
Мінскі планетарый разам з мастачкай Анастасіяй Балыш рыхтуе выставу “Квіток на зоркалёт”. Кожная карціна – "прыпынак у фантастычных прыгодах маляўнічых летуценняў, якія знітоўваюць зямлю і неба". Адразу пасля адкрыцця экспазіцыі, якое адбудзецца 12 верасня, наведвальнікаў запрашаюць паглядзець дакументальны фільм.
Анастасія Балыш – выпускніца Беларускага дзяржаўнага педагагічнага ўніверсітэта імя Максіма Танка, Маскоўскага Гештальт Інстытута. Удзельніца творчага аб’яднання “Мастак”. Яе работы захоўваюцца ў Мядзельскім музеі народнай славы, музеі-запаведніку “Заслаўе”, калекцыі карцін “Tears of Happiness” (UK, Oxford, University College, MCR) і іншых зборах Беларусі і замежжа.
Уваход на выставу бясплатны, яна працягнецца да 25 кастрычніка.
Фота: vk.com/planetarium