29.05.2017
XVII Нацыянальны фестываль беларускай песні і паэзіі "Маладзечна-2017" пройдзе 2-3 чэрвеня. Адметная рыса форуму ў тым, што большасць яго праграм, канцэртаў, спектакляў, літаратурных мерапрыемстваў ладзяцца на беларускай мове, а выступленні артыстаў праходзяць у фармаце “жывы гук” і пад акампанемент аркестра. Як адзначыла першы намеснік міністра культуры Беларусі Ірына Дрыга, сёлета фестываль прысвечаны 135-годдзю з дня нараджэння Янкі Купалы і Якуба Коласа. Тэмай іх творчасці прасякнуты ўсе мерапрыемствы.
