04.08.2020
На выставе Уладзіміра Гладкова "Далёкае і блізкае" ‒ 46 твораў жывапісу і графікі, сярод якіх тэматычныя кампазіцыі, бытавыя замалёўкі, краявіды сярэднеазіяцкіх гарадоў і партрэты.
Уладзімір Гладкоў кажа, што вельмі любіць прыроду Сярэдняй Азіі. А ў Беларусі яго прыцягваюць людзі, таму ў апошні час ён малюе пераважна партрэты.
Навуковы супрацоўнік галерэі Святлана Слюсар адзначыла, што работы мастака своеасаблівыя, з ярка выяўленым нацыянальным каларытам.
Наведаць выставу можна ў сталічнай мастацкай галерэі "Універсітэт культуры" да 17 жніўня.
Фота: belta.by