15.06.2017
На 57 Венецыянскай біенале сучаснага мастацтва каля садоў Джардзіні працуе беларускі павільён. Сёлета яго прадстаўляюць мастак Раман Заслонаў, прадзюсар Віктар Лабковіч і рэжысёр Сяргей Талыбаў. Галоўная частка праекта – відэафільм “Стол”, які дапоўнены інсталяцыяй. Адметнасцю сёлетняга ўдзелу беларускіх творцаў у міжнароднай мастацкай выставе стала іх сустрэча з прадстаўнікамі замежнай прэсы, куратарамі і аматарамі мастацтва. І, як адзначыла дырэктар Нацыянальнага цэнтра сучасных мастацтваў Наталля Шаранговіч, гэта стане дадатковым крокам па папулярызацыі беларускага мастацтва ў свеце.
Фота: marketing.by
