07.12.2020
Вечная гісторыя доктара Фаўста ажыла на сцэне Вялікага тэатра Беларусі. 8 снежня на сцэне тэатра ‒ трэці паказ прэм'ернай оперы Шарля Гуно ў пастаноўцы Ганны Маторнай. Гледачоў чакае сустрэча з новымі выканаўцамі галоўных партый. Гэтым разам ‒ тры дэбюты: Алены Золавай (Маргарыта), Дзмітрыя Шабеці (Доктар Фаўст) і Кацярыны Міхнавец (Марта).
Рэжысёрская канцэпцыя пастаноўкі ставіць філасофскія пытанні і заклікае задумацца над этычнымі праблемамі. Для гэтага гледача змяшчаюць у атмасферу фаўстаўскага эксперыменту, дзе ён балансуе на мяжы рэальнасці і нерэальнасці. Дзеянне адбываецца ў Германіі ў 1930-40-я гады, але гісторыя набліжана да сучаснага гледача. Фактычна яна задумвалася як падарожжа праз стагоддзі. Для харэографа, балетмайстра-пастаноўшчыка оперы "Фаўст" Наталлі Масквічовай гэта таксама ў нейкай ступені дэбют.
Упершыню спектакль паказалі 21 лістапада.
Фота: sb.by
