09.11.2020
Тыдзень фальклору, прысвечаны вясельным традыцыям, пачаўся ў Гродзенскім раёне. У кожнай установе культуры арганізавалі выставы "Беларускае вяселле: традыцыі і сучаснасць". Міні-экспазіцыі на вясельную тэматыку падрыхтуюць і ў бібліятэках раёна.
14 лістапада ў Абухоўскім цэнтры культуры адкрыецца музейна-выставачны пакой "Этнамайстэрня "Ад продкаў ‒ да нашчадкаў". У цэнтры культуры і народнай творчасці аграгарадка Адэльск у гэты дзень адзначаць традыцыйнае "Свята млынароў".
15 лістапада ў заключны дзень Тыдня фальклору гасцей запрашаюць на вясельнае дэфіле ў Квасоўскі цэнтр культуры і развіцця народнай творчасці.
Расказвае вядучы метадыст па рэалізацыі культурна-дзелавых праектаў і развіцця турызму Гродзенскага раённага культурна-інфармацыйнага цэнтра Наталля Рамановіч.
Фота: grodnonews.by