23.11.2017
Музычна-візуальную інсталяцыю Арнольда Шэнберга “Месяцавы П’еро” прадставяць заўтра ў Маладзёжным тэатры эстрады. Твор кампазітара, мастака і пісьменніка ХХ ст. прэзентуе музычная капэла “Санорус”. Вакальны цыкл, створаны на вершы бельгійскага паэта Альбера Жыро, складаецца з трох частк па сем нумароў. Твор напісаны для жаночага голасу і камернага інструментальнага ансамбля. Цікава, што вакальная партыя вытрыманая ў асаблівай, вынайдзенай Арнольдам Шэнбергам манеры “маўленчага спеву” – напаўвакал, напаўдэкламацыя. Падрабязней пра падзею расказаў дырыжор Аляксандр Хумала.
Фота: marcoconcert.com
