03.11.2022
Сёння ўвечары тры яскравыя салісты Вялікага тэатра Беларусі, лаўрэаты міжнародных конкурсаў: Аляксандр Міхнюк, Тарас Прысяжнюк і Дзмітрый Шабеця прэзентуюць гледачам праграму "Тры тэнары. Трыб'ют". Гэта праграма - аўтарскі праект канцэртмайстра Вялікага тэатра Беларусі Анастасіі Дубоўскай. На яго вядомую піяністку натхніў знакаміты праект трох выдатных тэнараў: Пласіда Дамінга, Хасэ Карэраса і Лючана Павароці.
У выкананні таленавітых салістаў тэатра прагучаць фрагменты з самых папулярных класічных опер, а таксама цудоўныя неапалітанскія, мексіканскія і кубінскія песні. Вось што расказалі аб праграме Аляксандр Міхнюк і Тарас Прысяжнюк.
Шмат незабыўных эмоцый на канцэрце абяцае падарыць гледачам удзельнік канцэрта "Тры тэнары.Трыб'ют" Дзмітрый Шабеця.
Фота - bolshoibelarus.by