19.09.2019
У Нацыянальным мастацкім музеі Беларусі прэзентавалі выставу "Аман: жамчужына Усходу. Рамесная спадчына" з калекцыі Нацыянальнага музея Султаната Аман. “Экспазіцыя - яркае адлюстраванне культуры нацыі, яе мінулага і сучаснасці, ладу жыцця ў краіне і тых нацыянальных якасцей, якімі славіцца аманскі народ. Упэўнены, гэты ўнікальны праект кажа пра асаблівыя давер, павагу, цеплыню паміж Беларуссю і Аманам”, – адзначыў міністр культуры нашай краіны Юрый Бондар.
У калекцыі Нацыянальнага музея Султаната Аман больш за сем тысяч прадметаў. У Мінску паказана малая частка. Пра экспазіцыю расказаў генеральны дырэктар установы Джамал аль-Мусаві.
Выстава адкрыта ў Нацыянальным мастацкім музеі Беларусі да студзеня. Тады ж сталічная ўстанова адзначыць юбілей, ганаровымі гасцямі стануць прадстаўнікі аманскага музея. У адказ у наступным годзе зладзяць Тыдзень культуры Беларусі ў Амане.
Фота: citydog.by