17.06.2020
Пабачыла свет выданне "І рай, і боль на Песеннай Зямлі... Беларусь вачыма мастакоў 1920-1930-х гадоў". У альбоме – графічныя работы з калекцыі Нацыянальнага гістарычнага музея, аб’яднаныя адной тэмай – этнаграфія нашай краіны. Яны паказваюць этнічныя тыпы жыхароў, вясковыя і гарадскія краявіды, помнікі дойлідства, традыцыйнага народнага мастацтва, рамёстваў. "Кніга разлічана на шырокае кола людзей, усіх, хто цікавіцца гісторыяй Беларусі", – адзначыла дырэктар выдавецтва “Беларуская Энцыклапедыя імя Петруся Броўкі” Вольга Ваніна.
Альбом этнаграфічных малюнкаў – гэта сумесны праект выдавецтва "Беларуская Энцыклапедыя імя Петруся Броўкі" і Нацыянальнага гістарычнага музея. На думку дырэктара музея, Паўла Сапоцькі, дзякуючы выданню сучасным пакаленням удалося перадаць скарбы продкаў.
Кніга выдадзена на 2 мовах – рускай і беларускай. Укладальнік альбома – Наталля Мартынава.
Фота: sb.by