06.02.2020
У Нацыянальным мастацкім музеі выставілі 30 палотнаў Віктара Маркаўца (гады жыцця творцы – 1947-2013). Партрэт, пейзаж, нацюрморт – мастак працаваў у розных жанрах станковага жывапісу. Меў цікавасць да гісторыі, культуры, фарміравання і развіцця нацыянальнага стылю. Працягвае намеснік старшыні Беларускага саюза мастакоў Андрэй Басалыга.
Віктар Маркавец, вучань народнага мастака Беларусі Івана Ахрэмчыка, пакінуў след і ў галіне так званай “маляванкі” – стварыў вялікую колькасць такіх работ. Таксама майстар распісваў цэрквы у Докшыцах, вёсцы Сітцы Докшыцкага раёна, старажытным Заслаўі. Распавядае сястра творцы, мастак, прафесар кафедры касцюма і тэкстылю Беларускай дзяржаўнай акадэміі мастацтваў Валянціна Маркавец-Бартлава.
Выстава “Класіка і этнамадэрн” адкрыта ў Нацыянальным мастацкім музеі да 15 сакавіка.
Фота: facebook.com
