23.03.2020
У Нацыянальным мастацкім музеі адкрылася выстава рускага і беларускага іканапісу XVIII – пачатку XX стагоддзя з музейных фондаў. Яна прымеркавана да 85-годдзя з дня нараджэння Мітрапаліта Філарэта. Пры яго падтрымцы рэалізоўваліся шматлікія праграмы супрацоўніцтва Беларускай Праваслаўнай Царквы і дзяржаўных устаноў. Расказвае грамадскі дзеяч і краязнаўца Анатоль Бутэвіч.
У творах іканапісу XVIII – пачатку XIX стагоддзя бачныя асаблівасці творчасці майстроў рускай правінцыі. У іх работах архаічныя тэндэнцыі спалучаліся з прыёмамі рэалізму і еўрапейскага барока. Абразы XIX – пачатку XX стагоддзя дэманструюць разнастайнасць стылявых кірункаў. Працягвае куратар выставы Наталля Трыфанава.
Выстава адкрыта да 21 мая.
Фота: artmuseum.by