24.06.20
У сталічнай выставачнай зале LIBRA адкрылася выстава работ бельгійскага мастака-сюррэаліста Рэнэ Магрыта. У экспазіцыі - 50 унікальных каляровых літаграфій, якія некалькі гадоў збіраліся з прыватных еўрапейскіх калекцый. Так прэзентавана амаль уся творчасць Рэнэ Магрыта. Ёсць на выставе таксама работы іншых мастакоў, расказвае куратар праекта Алег Рыжкоў.
Удзельнікаў з Беларусі і замежжа адбіралі па заяўках, размешчаных на сайце выставачнай залы. З многімі творцамі супрацоўніцтва ладзіцца ўпершыню. Адзін з удзельнікаў экспазіцыі, мастак Юрый Лешык, прэзентаваў дзве работы, адзначыў, што яго на сюррэалізм натхняе многае: сонца, людзі, кветкі.
Выстава Рэнэ Магрыта ў Мінску адкрыта 2 месяцы.
Фота https://libra-gallery.by/
