30.06.20
На коласаўскай сцэне - прэм'ера. Віцебскія прыхільнікі тэатральнага мастацтва ўбачылі пастаноўку рэжысёра Генадзя Мушперта “Каханне і падаткі”. Гэта камедыя-фарс па п'есе амерыканскіх драматургаў Уільяма Ван Зандта і Джэйна Мілмара. Галоўны рэжысёр Гродзенскага абласнога драматычнага тэатра Генадзь Мушперт не выпадкова абраў коласаўскую сцэну. У свой час ён ставіў там дыпломны спектакль і працаваў пасля размеркавання. Што да прэм'ернага паказу, то спектр тэм даволі шырокі і актуальны для сучаснай моладзі.
Камедыйны жанр з элементамі фарсу дае магчымасць праявіць маладым артыстам творчыя здольнасці. А яшчэ прымушае артыстаў і гледачоў задумацца, пераасэнсаваць і па-новаму паглядзець на многія з'явы рэчаіснасці. Сярод маладых артыстаў, што задзейнічаны ў спектаклі, Аляксандр Казлоў і Паліна Крашэўская.
У ліпені прыхільнікаў тэатра чакаюць яшчэ дзве прэм'еры на коласаўскай сцэне.
