20.07.2020
Увесь ліпень Нацыянальны гістарычны музей сумесна з Міжнародным дзяржаўным экалагічным інстытутам імя Сахарава БДУ і Беларускім дзяржаўным музеем народнай архітэктуры і побыту праводзяць археалагічны летнік “Наўры-2020”. Яго ўдзельнікі працягваюць даследаваць некропаль крывічоў каля вёскі Наўры Мядзельскага раёна. Далучыцца да раскопак могуць усе ахвотныя.
Археалагічныя экспедыцыі Нацыянальнага гістарычнага музея сталі магчымыя дзякуючы супрацоўніцтву дзяржаўных устаноў і недзяржаўных арганізацый, матэрыяльнай падтрымцы спонсараў і ўдзелу добраахвотнікаў. Летась па выніках летнікаў у музеі адбылася прэзентацыя археалагічных работ і фотавыстава. Сёлета ўдзельнікі экспедыцыі таксама распавядуць грамадскасці пра вынікі зробленай працы.
Расказвае супрацоўніца экспазіцыйнага аддзела Нацыянальнага гістарычнага музея Данута Грынь.
Фота: vk.com/nauryforever