01.10.2025
У сталіцы Беларусі, у пасольстве Кітайскай Народнай Рэспублікі адбыўся ўрачысты прыём, прысвечаны 76-й гадавіне з дня заснавання КНР. Мерапрыемства стала значнай дыпламатычнай і дружалюбнай падзеяй.
Беларусь высока цэніць шчырае сяброўства з Кітаем. Гэта падкрэсліў першы намеснік прэм'ер-міністра Рэспублікі Беларусь Мікалай Снапкоў. «Сёння нашы краіны – унікальны прыклад дзяржаў, у якіх у дыялогу няма «падводных камянёў», – адзначыў першы віцэ-прэм'ер. — У нас няма гістарычных крыўд, геапалітычнага саперніцтва, канкурэнцыі за ўплыў і гандлёвых войнаў. Замест спрэчак і канфліктаў у нас сумесныя праекты, замест недаверу — адкрытасць і гатоўнасць да падтрымкі».
