04.05.2017
7 мая ў эфіры канала “Культура”Беларускага радыё пройдзе спецыяльны праект да прафесійнага свята – Дня работнікаў радыё, тэлебачання і сувязі. За час марафону, які стартуе ў прамым эфіры ў 11:15 і працягнецца да вечара, прагучаць гістарычныя факты пра канал, аповед пра яго сённяшні дзень і перспектывы. Адкрые святочны праект віншаванне Міністра культуры Рэспублікі Беларусь Барыса Уладзіміравіча Святлова. Да ўдзелу ў марафоне запрошаны творчыя асобы Беларусі, якія слухаюць канал і якім ёсць што сказаць пра напаўненне і адметнасць радыёхвалі. Сярод іх – вядомыя оперныя выканаўцы і артысты тэатраў, літаратары і музыканты, мастакі і прадстаўнікі ўстаноў культуры.
Вядучыя праекта Вікторыя Грыб і Уладзімір Трапянок чакаюць у студыі прамога эфіру пазаштатных аўтараў канала “Культура”, каб раскрыць іх з боку прафесійнай дзейнасці па-за межамі радыё. Удзельнікамі размоў таксама будуць цяперашнія супрацоўнікі канала, якія раскажуць пра ўласную дзейнасць і нечаканыя моманты, звязаныя з працай.
Да эфірнага марафону праз тэлефонную сувязь запрашаем далучыцца слухачоў. Нумар прамога эфіру (017) 210-12-48.
Дапоўняць радыёдзень святочныя канцэрты, складзеныя з лепшых запісаў, што захоўваюцца ў фондах Беларускага радыё.
Вяшчальная сетка дня зменена:
Да 10:30 – па праграме
10:30 – “Вінілавы эфір”
11:15 – старт марафону (прамы эфір)
11:45 – канцэрт
12:00 – святочны марафон – прамы эфір
12:45 – канцэрт
13:00 – святочны марафон – прамы эфір
13:45 – канцэрт
14:00 – навіны
14:10 – святочны марафон – прамы эфір
14:45 – канцэрт
15:00 – святочны марафон – прамы эфір
15:40 – канцэрт
16:00 – святочны марафон – прамы эфір
16:30 – “Сюжэт з лейтматывам”
17:00 – святочны марафон – прамы эфір
17:30 – “Песні пра каханне”
18:00 – святочны марафон – прамы эфір
18:30 – “Адвечная магія музыкі”
19:00 – далей па праграме.
На фота - Уладзімір Трапянок і Вікторыя Грыб. Аўтар - Юлія Ішмуратава